'La otra arista' analiza esta nueche'l futuru de los parques de bateríes n'Asturies            

El programa de TPA recueye'l debate públicu pol allugamientu d'estos espacios nel Principáu

Rede eléctrica concedió n’Asturies un total de 1.102 megavatios de potencia pa la instalación de parques de bateríes. Unes instalaciones qu’entá nun cunten con un marcu regulatoriu definitivu pal so afitamientu nel Principáu.

Munches empreses afitáronse n’Asturies pa instalase, daqué que lleva meses provocando un gran debate públicu pol allugamientu d’estos parques.

De la so necesidá, pol procesu de transición enerxética, de la so peligrosidá en casu d’accidentes y de la tramitación, fálase esta nueche nel programa de TPA, 'La otra arista'.